geguritan jawa

Njiret
Geguritan anggitanipun Madagumilang
masiya ngopi ngene iki isih panggah ora betah
dirangkul sepi
sansaya ngruket anut kedhere keteg
katresnan kang njiret wiwit repet-repet
  
guru,

kula emut panjenengan
awit sanes langit naminipun,
menawi mboten tepang pepeteng lan pepadhang
ananging, menapa panjenengan emut kula
awit sanes langit naminipun,
menawi lintang-lintang ingkang panjenengan paringaken kula menika
mboten kaparengaken kapanjer ing pepeteng
saha manthering srengenge gegebengan iman panggulawenthah kula menika
mboten panjenengan parengaken tansah nuwuhaken pepadhang

 lajeng sepen,

kamangka mboten kaanggep wontenipun pepeteng,
pejahing damar ingkang katilar salebeting manah,
menapa menika ugi keplasing katresnan?